大仔大女媽媽會 今日: 0 | 主題: 177860

積分: 2044

1^#

發表於 10-7-9 00:14 |只看該作者 |倒序瀏覽 |打印

教寶寶安靜下來 (來自寶寶睡眠聖經)

BB需要小睡時, 將BB包起來(如果你的BB還在包起來的階段), 將BB放在床上, 不要給奶咀. 離開房時門半開著, 讓BB聽到你的聲音. 讓BB反抗的哭, 哭的時間是在你還可以忍受的時間(新生到2週大, 最少2MINS, 2-8週, 最少4MINS, 8-12週, 最少6MINS, 3-4個月大, 最少8MINS), 計算以上最少時間的意思是持續的大哭, 如有停頓, 就要重新算一次. 你能忍住不進房間的時間越長, 你的BB就越快學會自己安靜下來睡覺這個重要技巧. 你記住BB哭一分鐘的時間對父母而言可能很像十分鐘那麼久, 所以請看一看鐘, 你會比較安慰.
很重要的是, 你要知道反抗的哭鬧是很正常的, 而且不表示有嚴重問題. 在教BB自己安靜下來時, 不可避免的是BB一定會有反抗哭聲. 如果你注意BB哭聲, 你會發現BB在哭過一段時間後, 哭的聲音會變成尖聲哭鬧. 大多數的父母在還沒有尖聲哭鬧前就先放棄了, 如果你能忍住尖聲哭鬧而不去回應, 你的BB很快就會開始睡覺了. 同時在這個階段, 在反抗哭泣中的BB會停下來, 且這些間隔會變長, 而哭的聲音會變短直至BB完全睡著. 當你確定BB睡著了, 如要進房間先等幾秒鐘, 再幫BB調整姿勢和蓋好被. 調整姿勢不要移動太多, 因為你有可能會不小心動到原本BB在睡前覺得最舒服的位置.
父母們必需記住BB在學會自己安靜下來的技巧時, 哭的頻率會變少, 時間也會變短. 父母的挑戰是要忍住BB每次哭時就想要去安撫的衝動.
如果過了你可忍受的哭喊時間BB還在哭, 那麼你就走進房間, 讓BB側躺, 當你移動和安撫BB時, 試著不要跟BB對看. 把一隻手放在BB肩膀然後再用另一隻手慢慢的拍BB的背, 你必須試著安置BB最少22分鐘, 如BB還沒安靜下來, 抱起BB10MINS, 但如果你仍然有信心, 耐心, 那麼繼續吧.

0 0 0

私人傳訊

Cammy3007

公爵府

積分: 25532

2^#

發表於 10-7-9 11:07 |只看該作者

如果有印尼文就好了, 我家姐姐唔聽我講, BB一喊就抱, 仲要揹BB睡覺, 攪到冇時間陪大女兒, 大女兒會在姐姐揹妹妹睡覺時攪亂, 吸引姐姐注意, THEN....姐姐駡大女兒, 又全日黑面對住大女兒, 女兒又喊.....日日如是.....................

私人傳訊

積分: 2044

3^#

發表於 10-7-9 12:28 |只看該作者

我覺得你要硬性教佢,我用呢個方法教大仔,效果好好!到時到候放佢上床佢就會自己訓著,唔會喊,但其實得來不易,我由佢7週開始堅持呢個方法,到9週時想放棄,結果在10週成功了,放佢上床唔再喊,ee rr好快訓著,阿仔宜家2歲了,日日準時小睡,晚上準時上床,從來唔會晤合作,全靠小時候我堅侍俾
佢喊左幾星期

原帖由 Cammy3007 於 10-7-9 11:07 AM 發表
如果有印尼文就好了, 我家姐姐唔聽我講, BB一喊就抱, 仲要揹BB睡覺, 攪到冇時間陪大女兒, 大女兒會在姐姐揹妹妹睡覺時攪亂, 吸引姐姐注意, THEN....姐姐駡大女兒, 又全日黑面對住大女兒, 女兒又喊.....日日如是..... ...

私人傳訊

lulub2010

男爵府

積分: 6796

4^#

發表於 10-7-9 15:40 |只看該作者

原帖由 queeniechan2004 於 10-7-9 12:28 發表
我覺得你要硬性教佢,我用呢個方法教大仔,效果好好!到時到候放佢上床佢就會自己訓著,唔會喊,但其實得來不易,我由佢7週開始堅持呢個方法,到9週時想放棄,結果在10週成功了,放佢上床唔再喊,ee rr好快訓著,阿仔宜家2歲了 ...

我都係用呢個方法, 而家呀囡由每一次自己訓, 到而家每次都可以自己訓著, 不過都會有時扭計得犀利要人抱下

私人傳訊

積分: 2044

5^#

發表於 10-7-9 16:50 |只看該作者

係呀, BB識自己訓著呢個技巧真係好緊要, 影響深遠, 唔單只嬰兒期受惠, 好處陸績有來

原帖由 lulub2010 於 10-7-9 03:40 PM 發表

我都係用呢個方法, 而家呀囡由每一次自己訓, 到而家每次都可以自己訓著, 不過都會有時扭計得犀利要人抱下

私人傳訊

小曳人

侯爵府

積分: 22599

開心吸收勳章醒目開學勳章畀面勳章貢獻勳章

6^#

發表於 10-7-9 17:50 |只看該作者

sorry~ 我唔讚成!
好多現代教仔書都會話唔可以隨得bb喊, 佢地要嘅係安全感, 你如果忍心要個b無安全感, 咁細個搵人都無人應, 要佢接受無安全感去瞓嘅.. 要咁細個人仔學獨立~ sorry.. I feel sorry for you.
仲有.. 呢個方法唔可以apply响colic bb (不過大家個b都就3mth, 應該差唔多好返架喇~)
有安全感嘅bb, 長大會較有自信

私人傳訊

積分: 2044

7^#

發表於 10-7-9 18:18 |只看該作者

現代育兒同上一代既方法好唔同了, 唔知你係咪媽媽或奶奶幫手湊仔呢? 佢地果一代係唔俾bb喊的

其實唔係就咁俾佢喊咁簡單, 喊既時間一定要係佢需要小睡既時間, 同埋要確保佢唔係肚餓, 唔係生病, 如果只係情緒哭鬧, 就要俾佢喊下, 咁佢先會訓得好, 其實我睇過好多育兒書, 都有講需要俾bb自己喊下, 喊既同時佢個腦會成長, 好快就自己訓覺係需要自己學習的, 唔係次次都抱先識訓, 又或者飲奶先識訓, 同埋如果bb有固定作息(飲奶&訓覺時間), bb就會有安全感, 之後都會一路訓得好好, 我唔係空口講白話, 我同樣係0806媽媽, 個仔已經兩歲了, 我由佢7週開始訓練佢自己訓著, 10週終於成功左, 每次時間一到就放低佢上床, 佢就會好滿足咁自己訓著, 每天都可以定時小睡定時飲奶, 到宜家2歲了, 晚晚8:30pm放佢上床講goodnight, 佢就會訓, 呢d就係訓練既成果, 其實父母只要狠心一至兩星期, 就會有好好既成果, 難道你會覺得我唔鍚佢咩?我都為佢有好既睡眠同生活, 先咁做, 可能你唔係全職媽媽, 亦有人幫手你湊bb, 所以你唔會留意呢d育兒方法, 亦唔係睇過好多育兒書, 我0806果邊, 當時起碼有超過60個媽媽一齊去訓練個bb訓覺(包括有工人的在職媽媽), 一齊討論, 結果真係好好, 個個bb3-4個月之前已經學識晒自己入睡技巧, 其實可以話你知, 只要狠心俾佢喊幾日或者一兩星期, 以後佢會喊得更少, 比不懂得自己入睡的bb喊得更少, 所有例子都係成功的, 所以我不仿係呢度講得咁詳細, 真係好值得你去咁做, 我亦幫過超過10個媽媽, 佢地d bb都係好大個都未識自己訓覺, 訓親都喊, 同埋好多都係訓唔到天光, 因為半夜醒左唔識自己訓番, 要搵人, 但佢地經過呢個方法後, 已經好快解決左, bb識訓天光, 更加唔洗再抱住訓, 唔洗飲住奶咁訓, 放佢地上床關燈關門就會自己入睡了, 你話有咩唔好呢? 同埋幾個月大既bb身體裡每天都有用唔晒既精力, 佢地係需要用哭去釋放d能量出來, 就會訓得好, 如果bb每次喊都去抱(唔包括肚餓與生病), 其實係對佢唔好, 唔講可能你唔知, 專家話, 嬰兒哭既時候, 腦係會轉得快d, 因為佢地哭果時先會去思考多d, 有幫腦部成長.
所以你都不仿去嘗試俾你個b喊下, 喊下唔會死腦細包, 喊下佢訓醒唔會唔開心, 但個成果一定係你想要得到的, 我宜家個細女2個半月, 佢初時扭抱扭到七彩, 但經過訓練後, 開始放上床自己訓了, 更加喊少左好多, 同埋你講到安全感問題, 經過訓練後, bb會比以前更有安全感, 因為佢會知道晒幾時要佢訓, 幾時係俾佢玩, 好過一喊就去抱, 我再強調有固定作息係對bb好緊要, 但有固定作息, 首先要佢學會自己入睡, 有固定作息底下成長, 長大先更有自信, 唔係一喊就抱先會有自信.

有時間可到我blog睇下, 有更多育兒資訊

http://hk.myblog.yahoo.com/myBoy-tony/article?mid=2323&prev=2585&next=2269

原帖由 小曳人 於 10-7-9 05:50 PM 發表
sorry~ 我唔讚成!
好多現代教仔書都會話唔可以隨得bb喊, 佢地要嘅係安全感, 你如果忍心要個b無安全感, 咁細個搵人都無人應, 要佢接受無安全感去瞓嘅.. 要咁細個人仔學獨立~ sorry.. I feel sorry for you.
仲有.. 呢 ...

[ 本帖最後由 queeniechan2004 於 10-7-9 18:38 編輯 ]

私人傳訊

積分: 283

8^#

發表於 10-7-9 23:10 |只看該作者

原帖由 queeniechan2004 於 10-7-9 00:14 發表
教寶寶安靜下來 (來自寶寶睡眠聖經)

BB需要小睡時, 將BB包起來(如果你的BB還在包起來的階段), 將BB放在床上, 不要給奶咀. 離開房時門半開著, 讓BB聽到你的聲音. 讓BB反抗的哭, 哭的時間是在你還可以忍受的時間(新生 ...

請問你係小睡時train BB, 定係夜晚?
我之前試過半夜train 佢, 但發覺好難。一來驚佢嘈醒隔離鄰社同老公, 二來自己都累到頂唔順想佢快d 靜下來, 三來俾阿媽話我俾BB喊到索哂氣都唔理佢,所以train 左兩日就放棄
同埋我想問BB應該小睡幾多次同幾耐呀, 因為佢有時兩餐奶之間訓哂, 有時又完全唔訓. 你可以train 到BB小睡都跟時間表, 真係十分配服
另外, 小睡應該開燈同嘈吵d, 定係熄燈同靜d呢?
我有好多問題, 希望你能一一解答, 謝謝

私人傳訊

積分: 283

9^#

發表於 10-7-9 23:15 |只看該作者

同埋我想問我應該train 左佢戒夜奶先定自己訓先呢?

私人傳訊

積分: 2044

10^#

發表於 10-7-10 00:00 |只看該作者

1. 我係train bb全日, 無論小睡或夜晚, 如果你真想你bb學識半夜醒了都可以自己訓番, 就一定要忍, 我果時忍左3晚已經搞掂左, 最後果晚佢4am醒左喊左45mins, 冇俾奶佢飲添, 結果自己訓番到天光7am, 所以最緊要同屋企人解釋, 要獲得屋企人支持, 咁你先唔會咁猶豫自己做得岩唔岩

2. bb小睡幾多次個個唔同, 總之你要知道個次序就係"飲奶時間->清醒時間->小睡時間", 呢個係黃金定律, 例如你朝早7am餵完佢, 就唔好俾佢即訓, 跟住到左距離佢下一餐飲奶時間1.5-2小時前就放佢上床, 要佢訓, 每餐如是, 但一開始訓練佢一定會喊的, 所以你可預早少少(2-2.5小時前)放佢上床, 狠心俾佢喊, 佢終會訓著的, 但初頭佢一定喊得好慘, 就算訓著都只係一陣, 但只要佢有訓著過, 距離你成功已經不遠了! 佢訓著的時間會越來越長, 到佢可以放上床幾分鐘就訓著時, 你就可以1.5-2小時前放佢上床了. 即使佢喊到下一餐時間到, 都要忍, 目標就係佢每次小睡完就係下一餐時間, 一定成功的, 佢會夠鐘就醒架喇, 好work! 咁仲可以完全避免左佢未夠鐘飲奶就喊呢個局面. 不過世事往往都唔係咁完美, 有d BB未必餐餐之間都一定訓一陣, 有時可能有一至兩餐中間冇訓(但都係固定的, 如果係11點果餐, 就日日都會係11點果餐), 所以話你定時間表俾bb之餘, 你係某程度上都要同佢配合, 你知道左佢果餐原來唔洗訓的, 就唔好再逼佢訓了, 可於果段時間安排某d節目俾佢, 例如遊戲床時間, 又或者公園散步時間, 又可以用來做每日沖涼時間, 總之bb每日作息都係由你主導, 有左呢個時間表, 你會有更多時間處理私人事, 唔洗成日擔心bb唔肯訓或者唔知做咩喊既問題了.

3. 其實無論小睡或晚上的睡眠, 都應該要俾bb一個安靜的環境, 因為畢竟噪音往往都會令人睡眠質素變差, 嘈吵的睡眠環境, 對bb是不公平的, 但講到燈光, 6個月前都應該要暗d俾佢訓, 咁佢先會生長好d, 太光佢身體係唔會釋放果d睡眠因子的, 睡眠因子係對人體新陳代謝有作用.

我唔怕你多問題架, 我只希望個個媽媽都可以學識呢d技巧, 咁個個都可以做個開心又有精神既媽媽了~

有咩問題可再問我

原帖由 AngelaBandy 於 10-7-9 11:10 PM 發表

請問你係小睡時train BB, 定係夜晚?
我之前試過半夜train 佢, 但發覺好難。一來驚佢嘈醒隔離鄰社同老公, 二來自己都累到頂唔順想佢快d 靜下來, 三來俾阿媽話我俾BB喊到索哂氣都唔理佢,所以train 左兩日就放棄
同埋我想問BB應該小睡幾多次同幾耐呀, 因為佢有時兩餐奶之間訓哂, 有時又完全唔訓. 你可以train 到BB小睡都跟時間表, 真係十分配服
另外, 小睡應該開燈同嘈吵d, 定係熄燈同靜d呢?
我有好多問題, 希望你能一一解答, 謝謝

私人傳訊

積分: 2044

11^#

發表於 10-7-10 00:05 |只看該作者

其實好簡單一個道理, 你train到佢自己訓, 佢先會戒到夜奶, 有時bb半夜醒左其實唔係要飲奶, 只係佢醒左唔識訓番啫, 我地大人訓覺都會醒啦, bb一樣會, 但想佢地識得訓番, 就一定要教佢, 幫佢, 如果佢半夜醒左唔識訓番, 結果只係喊, 跟住你就餵佢, 咁點戒夜奶呢???

其實半夜喊果d, 你唔洗即刻餵佢, 你可以等5-15mins, 睇下佢會唔會訓番, 你拖多幾次, 佢就戒到架喇!!!

原帖由 AngelaBandy 於 10-7-9 11:15 PM 發表
同埋我想問我應該train 左佢戒夜奶先定自己訓先呢?

私人傳訊

Amytell

別墅

積分: 712

12^#

發表於 10-7-10 04:01 |只看該作者

要成2-3個星期先會成功.......我個亞b日頭好痴身,我係全職媽媽,我曾經試過由佢喊.....但佢真係可以喊好耐都唔收聲,仲要係好大聲,閉門都聽到......
佢係不論清醒或訓覺都係要人抱住,訓係佢側邊或望住佢都唔得.....
有時真係好睏,偶爾一兩天佢會自己訓耐d,但總括都係要抱住
我見有d人話亞b會自己係床仔玩,玩到睏便訓,好羡慕
佢可以喊成9個字都仲喊緊......係唔係真係要咁忍心呢?

原帖由 queeniechan2004 於 10-7-9 12:28 發表
我覺得你要硬性教佢,我用呢個方法教大仔,效果好好!到時到候放佢上床佢就會自己訓著,唔會喊,但其實得來不易,我由佢7週開始堅持呢個方法,到9週時想放棄,結果在10週成功了,放佢上床唔再喊,ee rr好快訓著,阿仔宜家2歲了 ...

私人傳訊

積分: 2044

13^#

發表於 10-7-10 11:07 |只看該作者

你咁樣唔得架, 佢成日喊要人抱, 其實係因為冇安全感, 如果佢識得自己訓自己玩, 就會有安全感, 所以你一定要狠心D訓練佢, 唔一定要2-3星期先會成功架, 有D媽媽同我講佢俾個B喊左3-4日, 就已經得左, 喊45MINS一D都唔出奇, 但你一定會見到佢喊下停下, 每次停既時間會越來越長, 一定得的, 你唔洗質疑, 我果時阿仔要2-3星期成功, 係完全成其晒唔喊就訓, 但其實頭一個星期佢已經開始喊少左好多, 唔係餐餐喊, 只係間中一餐兩餐喊, 所以你唔洗唸咁多, 你阿B咁樣要人抱法, 你一定要教佢自己訓, 我亦見過有D bb已經教識左自己訓自己玩, 但訓之前硬係要喊5-10mins, 呢d都係正常, 佢地可能唔喊下就訓唔到, 總之你記住bb喊唔代表d乜野, 亦都唔會傷害到佢, 你每次能忍受既時間越耐, 佢就越快學識, 我同你一樣都係全職媽媽, 屋企又冇其他屋企人(得工人), 其實係最好不過了, 可以俾佢喊, 有d媽媽同我講佢屋企有99, 根本無可能訓練到, bb喊耐d 99就會話佢, 所以你唔洗唸咁多, 今日就開始狠心下啦, 你會苦盡甘來的, d bb好得意, 佢地會越喊越大聲, 到後來仲係尖叫咁喊添, 但好多時佢地會係叫得叫大聲之後就突然訓著左, 因為好大聲果度已經係佢地最後防線, 佢知道自己要訓著了, 但好唔好彩好多父母係佢叫最大聲又未訓著之前已經抱起左佢, 咁只會飲bb下次喊得更耐, 因為佢知道佢已經贏左了, 雖然bb唔識講唔識唸計仔, 但佢地潛意識會不斷試探大人底線, 佢喊親你都抱, 佢就會下次喊更耐, 其實你唔洗等幾日先有成果, 你見佢識得喊下停下, 你就已經成功左一半了, 但你有心理準備, 開頭訓練時, 就算佢喊到訓著都會好快醒, 跟住又喊過, 但終有一日佢會俾驚喜你, 一覺訓到下一餐食奶, 我見成功例子太多了, 更冇一個媽媽同我講唔成功, 唔成功的只係因為父母心軟而已.

如果你有聽我講照做, 好快你唔洗羡慕人, bb係應該要識得自己係床上玩的(意思清醒但又唔喊), 我有時放個仔上床, 佢又未想訓住, 咁佢會自己ee rr一陣, 到佢眼訓佢就會訓著, 因為經過訓練後, bb會比以前更有安全感, 對自己生活作息都好有安全感, 咁仲點會喊, 當然有時都會情緒性扭下計啦, 所以你好快d教你個b點自己訓自己玩, 無論對你或對佢都好多好處, 同埋你全職媽媽, 屋企如果冇其他人的話, 仲容易, 有d媽媽好唔開心咁同我講佢99係度, 根本訓練唔到, 一喊耐d 99都嘈住要抱, 所以我相信你好快會成功, 我同你講, 你放低佢上床之後, 自己戴起個headphone聽下歌, 食下野, 又或者做一輪家務, 好多時你會發現你都未做完你要做既野時, 佢已經訓左! 希望你成功, 努力!

原帖由 Amytell 於 10-7-10 04:01 AM 發表
要成2-3個星期先會成功.......我個亞b日頭好痴身,我係全職媽媽,我曾經試過由佢喊.....但佢真係可以喊好耐都唔收聲,仲要係好大聲,閉門都聽到......
佢係不論清醒或訓覺都係要人抱住,訓係佢側邊或望住佢都唔得.....
有時真係好睏,偶爾一兩天佢會自己訓耐d,但總括都係要抱住
我見有d人話亞b會自己係床仔玩,玩到睏便訓,好羡慕
佢可以喊成9個字都仲喊緊......係唔係真係要咁忍心呢?

[ 本帖最後由 queeniechan2004 於 10-7-10 11:32 編輯 ]

私人傳訊

manheichuchu

積分: 1661

14^#

發表於 10-7-10 11:44 |只看該作者

基本上我認同呢個方法，但我覺得不是個個bb 都可以。我大女當時第一晚放佢落床喊左1.5小時，我不斷同佢抹眼淚，第2晚喊左20分鐘，第3晚完全唔喊，雖然佢唔訓，眼仔碌碌，但慢慢就會訓。今次到我細仔，我又用返同一方法，佢喊到拆天，喊左7小時，12:00 midnight 到7:00 a.m.，本來我都可以好狠心由得佢，但佢係24小時無訓，係第2日la，我狠心極都唔能夠唔理佢，唔抱佢。但我會係佢過左三個月再試，希望成功。

私人傳訊

積分: 2044

15^#

發表於 10-7-10 14:15 |只看該作者

其實未必係你個仔唔得, 只係佢未ready戒夜奶, 要俾佢喊, 都有好幾個原則要知道:

1. 要確保佢唔係肚餓, 你試下計佢全日需要奶量係幾多, 方法係kg x 150ml=全日需要總奶量, 再除以佢既餐數, 就可得知佢一餐要食幾多ml, 你睇下會唔會佢全日既熱量唔夠, 如果係, 佢還有吃夜奶的需要

2. 留意房間溫度, 我見過有媽媽話佢個b教極都訓唔到, 都係喊, 傾左好耐, 先知原來佢個b唔用包被, 仲要著短袖訓覺, 提議佢用番被包住bb, 再著番長袖衫, 佢會b就一覺訓天光了! 所以溫度控制都好緊要

3. 同埋個個bb接受既乾淨度都唔同, 有d bb半夜賴左尿都會喊, 換左就冇事, 所以你又可以留意下佢係咪要換便便?

4. 仲有一個最重要原則, 就係你要佢喊, 你就唔好出現係佢面前, 一旦你忍受唔到要去睇下佢, 就抱佢至少10mins, 又或者坐床邊安撫至少10mins, 唔好去抺下眼淚跟住又走左去, 你一路出現係佢面前佢係唔會學識自己訓, 但要抱就至少10mins, 否則佢會覺得好挫敗, 同埋你要教佢訓, 你就唔好掛住佢有冇眼淚或鼻水, 放定張巾仔係度, 由佢流下眼淚, 仲有唔好理佢就算佢將自己跌到去第二個位, 你可以等佢訓左先去幫佢移位, 但都唔好移太多, 否則好大可能你會破壞左阿b本來認為好舒服既姿勢

所以你唔好咁快下定論話你阿仔唔得, 只係你要先了解佢, 我冇聽過有決心去做既媽媽係唔成功, 就算幾難搞既最後都會同我講掂左, 就算耐d, 都少於一個月.

原帖由 manheichuchu 於 10-7-10 11:44 AM 發表

基本上我認同呢個方法，但我覺得不是個個bb 都可以。我大女當時第一晚放佢落床喊左1.5小時，我不斷同佢抹眼淚，第2晚喊左20分鐘，第3晚完全唔喊，雖然佢唔訓，眼仔碌碌，但慢慢就會訓。今次到我細仔，我又用返同一方法，佢喊到拆天，喊左7小時，12:00 midnight 到7:00 a.m.，本來我都可以好狠心由得佢，但佢係24小時無訓，係第2日la，我狠心極都唔能夠唔理佢，唔抱佢。但我會係佢過左三個月再試，希望成功。

私人傳訊

lulub2010

男爵府

積分: 6796

16^#

發表於 10-7-10 15:24 |只看該作者

原帖由 manheichuchu 於 10-7-10 11:44 發表
基本上我認同呢個方法，但我覺得不是個個bb 都可以。我大女當時第一晚放佢落床喊左1.5小時，我不斷同佢抹眼淚，第2晚喊左20分鐘，第3晚完全唔喊，雖然佢唔訓，眼仔碌碌，但慢慢就會訓。今次到我細仔，我又用返同一方法，佢喊到拆天，喊左 ...

我都想分享下, 之前我都成日向bk請教d媽咪, 因為我個囡之前成日喊唔肯訓, 又要抱又要暗先訓到, 每次都要工人抱住先得, 2個月時我想訓練bb自己訓, 但佢已經習慣左要人暗先訓到, 無理由突然間要佢自己訓無人理, 所以我開始時就同佢玩1-2個鐘, 然後見佢捽眼就放佢落床, 佢等一陣就會喊扭眼訓, 我每10分鐘就入去拍拍佢, 摸下佢耳仔, 安撫下佢, 等佢知道佢唔係無人理, 如事者來回幾次佢都係喊的話, 我就坐向床側邊, 一手捉住佢一隻手, 一手拍拍佢, 哼下音樂, 暗佢訓, 但都係唔抱, 等佢開始學識向床仔訓, 而唔係向媽咪隻手上訓, 試過幾次之後, 佢扭眼訓既喊聲細左, 而且喊下停下, 咁我就隔耐d先去睇佢一次(唔比佢見到我), 佢eerr20-30分鐘左右就會訓左, 我發覺比我之前抱訓仲訓得好, 訓得耐, 而且bb唔再未夠時間就喊要食奶, 我覺得佢安定左, 開心左, 精神好左好多, 不過學 queeniechan2004講, 個個bb要既舒服程度唔同, 一定要解決哂佢既唔舒服先可以訓練佢, 好似我個囡咁佢好怕熱, 所以我要開冷氣比佢訓, 佢食飽, 又舒服既環境底下, 加上媽咪既訓練, 佢一定可以自己訓到, 都肴望你可以成功!

[ 本帖最後由 lulub2010 於 10-7-10 15:49 編輯 ]

私人傳訊

積分: 283

17^#

發表於 10-7-10 18:22 |只看該作者

原帖由 queeniechan2004 於 10-7-10 00:00 發表
1. 我係train bb全日, 無論小睡或夜晚, 如果你真想你bb學識半夜醒了都可以自己訓番, 就一定要忍, 我果時忍左3晚已經搞掂左, 最後果晚佢4am醒左喊左45mins, 冇俾奶佢飲添, 結果自己訓番到天光7am, 所以最緊要同屋企人 ...

唉...BB arm arm喊左6min 我已經唔忍心啦, 同埋通常BB喊工人會去抱佢, 我驚叫左工人由BB喊, 到時我返左工, BB有事喊都無人理佢呀...
我BB有時喊係因為有肚風或者嘔左奶, 如果唔去望下咪唔知lor...

私人傳訊

ken_deb

積分: 310

18^#

發表於 10-7-10 23:20 |只看該作者

我個bb都係要抱住才能訓到, 明明係訓著了才放回bb床, 幾分鐘後她已醒了, 仲要係眼仔look look望住人,
我很想試你的方法, 想知道bb哭甘耐咪很容易入風, 飲奶咪容易嘔囉!!!

私人傳訊