尋日0係街見到兩件事想同大家講下...
做媽媽真係幾時都應該將自己小朋友放第一位呢!
第一件...一條T字路口0既行人過路線,
雖然係綠燈,但係另一邊係有車落緊斜路,
有個媽媽竟然由得個歲零0既小朋友,
自己跑出去過馬路,
佢自己就姿姿油油慢慢0係後面行,
我隔2個車位見到得個小朋友時,
嚇到想衝過去捉住佢,
真係好驚佢行過0左,
走0左去有車0個邊馬路,
好唔明佢阿媽點諗,
細路仔好難預料佢會唔會突然跑0左去0架,
有咩意外到時點算呢?
第二件...發生0係太古H&M,
有個10歲左右女仔突然大叫"媽咪呀,媽咪呀!",
佢一路叫一路喊,仲發0左茅咁周圍跑,
有個女人即刻拉住佢,
安慰佢同叫佢冷靜D,
過0左一陣有個阿媽帶住個細女走出0黎,
話阿媽0係度,個女仔即刻攬住阿媽喊得仲犀利.
個媽媽應該係掛住睇衫,
無留意唔見0左個大女,
仲入神到個大女狂喊都唔知....
其實個女仔有咁大個,
應該教佢唔見0左父母要鎮定,
第一時間搵職員幫手,
唔好自己周圍跑,反而越跑越搵唔返呢!
版權所有,任何傳媒論壇未經本人同意,不得擅自轉載!
發表於 
呢d直情係疏忽照顧
.......痴孖根...
返回列表
