你冇講哪個位置滴水, 我諗多數係室內機出風位, 我屋企兩部分體分別都試過咁樣滴水, 可以自己試下以下方法:
1.先用梯爬上去，揭起個機蓋, 同洗隔塵網一樣。
2.取出隔塵網。
3.要扭開晒所有機殼嘅螺絲, 每部機通常有6粒，一般分佈在底部和兩側(底部果幾粒可能有嘢蓋住)，個頂係無的。
4.跟住要將成個機殼取出(有少少難度，要用少少力)，先輕力拉起機殼底部，再托起然後取出(因機頂有2個扣)
5.跟住會見到成個機身，最下面係出風口，金屬網下底就係裝滿水和塵嘅水兜。
6.水兜兩邊既其中一邊會見到個去水孔(多數在右邊)，個孔好細，直徑約1cm左右，週圍通常係塵，當塞滿塵就會攪到水去得好慢，水兜滿左慢慢就會滴水，甚至會比風吹左D水出來.
7.揾條約兩呎長幼身膠喉(可以去金魚鋪買氣喉)，一邊削尖，方便伸入個孔入面，係另一邊用力吹條喉，之後慢慢會通晒，會見到水兜嘅水會流得好快。
8.跟住可以倒少少水入水兜試下去唔去水。
9.之後順便抹下部機和洗下個殼和隔塵網，再装返哂所有野就攪掂。
發表於 
返回列表
