想生BB

跳至

首頁
1

尾頁
   0


男爵府

積分: 5206


發表於 06-5-14 09:13 |顯示全部帖子

十分對唔住, 但都要一講~~

有左嘅姊妹, 恭喜哂呀~~ 我衷心嘅祝福你地, 希望你地健健康康、一切順順利利..........。

我份人一向無乜耐性, 等左一年有多, 依然蛋都無隻, 我心灰啦, 而家可以話已經係半放棄狀態, 我咩都唔諗啦~~~

呢一年幾唔開心左好多次, 每當我覺得自己睇開左啲嘅時候, 身邊總會有啲事發生, 令我再一次更傷心, 例如:

1. 剛剛m到, 最friend嘅同事話我知佢有左, 每日同我呻佢有幾辛苦.........
唔想接受都要接受, 終於自己睇開左~~呢個時候.......
2. 啲舊同事約左一齊出黎食飯, 一見面佢地就直接問:『你唔係話打算生BB咩? 仲未有呀? 快啲啦快啲啦.........』
起初仲好好心機堆個位比大家好落台, 漸漸地我亦直接答佢:『你當我有病無得生嘅, 咁你下次係咪會唔問呢?』
啲人要我答得佢咁抓爛塊面至會識得收口囉~~~
3. iui失敗左, 同自己講唔緊要, 因為當初一早已同自己講左唔一定會成功, 已預左有可能fail~~ 點知失敗後, msn裡面、email裡面、icq裡面........一係就是有左嘅姊妹向我呻佢地嘅不適, 一係就是追問iui嘅過程, 再唔係就是一啲"下次再黎過、唔好唔開心......等等等等"的說話。我知佢地個個都無惡意, 但我真係需要一啲時間"暫時唔提起"囉~~ 就好似我地整損左一隻手指, 你個朋友日日問你痛唔痛, 問足你365日, 即使你話你隻手指唔痛, 佢都繼續問, 你點會忘記呢?!
漸漸地我唔再多講, 而佢地亦唔再多問。以為風平浪靜, 可以繼續學習點樣真正放低。又黎料........
4. 有姊妹一年前係呢度同我傾過計, 之後大家呢一年都無再傾, 無任何聯絡.........。佢突然pm我, 話我知佢已經有左7個幾月..............。
其實有無諗過我感受架.............

[size=large]各位姊妹們, 我宣佈我放棄啦))))))))) 坦白而直接講, 你地有左, 我真係恭喜架!! 我知你地可能當我係朋友而想話我知, 但唔洗刻意講我聽啦!! 我真係會hurt架~~~~ 而家我積極減肥兼儲錢買車, 想生BB一事就一日比一日放低啲啲, 大家唔好撩起我條根啦, 好辛苦架~~


公爵府

積分: 29365

2019新春慶豚圓 2019勳章


發表於 06-5-14 11:06 |顯示全部帖子

Re: 十分對唔住, 但都要一講~~

收到啦~~李吳, 其實我都估到你有d野架喇, 不過事實上, 少到bk少到chatroom又真係一個好好既放低方法, 我明架~~

祝你快d儲夠錢買車~~ :wink:
希望每天開心渡過 ;-)


公爵府

積分: 26460


發表於 06-5-14 11:25 |顯示全部帖子

Re: 十分對唔住, 但都要一講~~

明白、知道、了解


大宅

積分: 1023


發表於 06-5-14 12:19 |顯示全部帖子

Re: 十分對唔住, 但都要一講~~

你所講,就好似我心想的

我的BB要健康快樂成長﹗ :-D :-D :-D :-D :-D


大宅

積分: 1095


發表於 06-5-14 13:04 |顯示全部帖子

Re: 十分對唔住, 但都要一講~~

李吳:

收到la! 其實我依家的心態同妳都有d似!


子爵府

積分: 13975

2019勳章


發表於 06-5-14 16:52 |顯示全部帖子

Re: 十分對唔住, 但都要一講~~

贊成你諗法,我都放棄左,你既心情我都經歷緊,有時想通左,心情好d既時候,總有d野令自己情好低落,好似前幾日睇報紙知道袁詠儀有左咁,即刻就好down, 人又係女人我又係女人,點解呀?我重要同佢同年,其實好多時唔好成日黎(想生bb既topic)就唔會令自己咁矛盾同唔開心,知少d,唔去再嘗試其他sister提供既方法,因為我唔想再一次有希望而再失望,我宜家都好少睇呢些topic,個人就會想通左無咁受人影響自己既心情,但都要慢慢黎.祝你減肥成功.


男爵府

積分: 5206


發表於 06-5-14 20:08 |顯示全部帖子

Re: 十分對唔住, 但都要一講~~

其實我唔想講得咁白架, 真係好對唔住 :-| 但唔講出黎........又唔知點咁...........

就好似邊個邊個同我講有關想生BB嘅問題, 我做唔到一句:『唔想答!』唯有抑壓自己笑住口咁答~ 但......真係好難委自己~~ 所以只好出一個咁衰嘅post :-|

曾經喺我傷心時, 得到呢度好多姊妹嘅支持、鼓勵........, 而家卻又一腳伸開你地, 就當我唔岩啦 :-|

如果有人出一個同樣嘅post, 可能我會心裡暗罵, 少少事洗唔洗咁呀, 都係關心你之嘛............我明白, 我真係明白。:-|

心情大起大跌得好緊要, 我覺得好辛苦~~ 盡量做其他事令自己分心, 已經將生BB一事睇得好輕, 一把火又燒著我.......。忍著痛被火燒, 燒乾左火熄左, 傷口已經結疤, 又一刀割埋黎, 連皮連焦又挑起.........:-|

我再講咁多, 都只係怕大家誤會, 我唔係話大家煩呀, 希望大家明白~ :-|


男爵府

積分: 5206


發表於 06-5-14 20:11 |顯示全部帖子

Re: 十分對唔住, 但都要一講~~

Jessy, Suger...........多謝你地~~~


男爵府

積分: 5206


發表於 06-5-14 20:12 |顯示全部帖子

Re: 十分對唔住, 但都要一講~~

pollybell,

我已經無乜過黎"想生BB"呢邊, 但今次.........我係收到pm :-|


複式洋房

積分: 101


發表於 06-5-14 21:50 |顯示全部帖子

Re: 十分對唔住, 但都要一講~~

李吳,

I totally understand, i had this experience b4 while i have a miscarriage 2 yrs ago, i have a relative who has a baby just at the same time while i have my miscarriage, when we had family lunch gathering together, she knew that I had a miscarriage at that time, I was so unhappy at that time, she still announce that she has a 2nd baby in front of me and also proud to say that this time it's a girl (she has a boy and very much want to have a girl), my heart was crying at that time, and I don't really feel happy for her (to be honest), ever since, I don't want to see her anymore, I don't know why she can be so cruel to say that to me at that time, doesn't she know how I felt or she do that in purpose to make me feel bad.


複式洋房

積分: 372


發表於 06-5-14 22:12 |顯示全部帖子

Re: 十分對唔住, 但都要一講~~

李吳知道.
我們是明白的...........


大宅

積分: 1994


發表於 06-5-15 00:02 |顯示全部帖子

Re: 十分對唔住, 但都要一講~~

李吳知道,

明白晒, 咁我地可以講下減肥 , 你快d係美容扮靚琍開過減肥topic啦
憲泓出世6磅 2歲10個月29磅


男爵府

積分: 6646


發表於 06-5-15 00:26 |顯示全部帖子

Re: 十分對唔住, 但都要一講~~

完全明白...因為我都係 :-( :-( :-(


瑪瑙宮

積分: 131423

好媽媽勳章 醒目開學勳章 畀面勳章 環保接龍勳章 親子達人勳章 BK Milk勳章


發表於 06-5-15 09:59 |顯示全部帖子

Re: 十分對唔住, 但都要一講~~

我完完全全的明白~ 反而係身邊的舊同事有BB對我影響唔大~
最大影響係我早排都係第2版呻過, 話我身邊至親有BB先至難受!!! 尤其係佢乜都話唔希罕, 但就乜都可以輕易而舉, 不費吹灰之力就有, 連有BB都係, 成日就話唔生唔生.

當初我知道佢有左都勁唔開心, 又喊. 之後慢慢先放得低.
但前日, 又有人同我講佢點嘔到死~ 真係! 關我鬼事咩!!!


男爵府

積分: 7480


發表於 06-5-15 10:37 |顯示全部帖子

Re: 十分對唔住, 但都要一講~~

我都好明白&認同你!!好多時都同自己講唔好諗,到自己放低左又會無端端俾人"liu"番起
:cry:
好似我sat去照輸卵管係張床度等醫生既時候,突然間覺得自己好慘,點解其他人生bb咁易,(佢地根本唔知咩叫照輸卵管)而我就要做咁多唔同既檢查,睇下自己點解無得生,諗諗下就 :-( :-(

其實哩度係俾人發表意見同埋感受既,所以你唔駛唔好意思講架 :wink: 我地會好尊重你既決定架


男爵府

積分: 5206


發表於 06-5-15 11:39 |顯示全部帖子

Re: 十分對唔住, 但都要一講~~

死啦, 我發覺自己好變態...........我出左呢個post之後, 我發覺自己唔再抗拒click"想生BB"呢一欄啦 不過暫時click入黎, 都只局限喺呢一個post~~ 其他post, 唔想睇啦

GB,
我照輸卵管前同某一兩個人提過, 佢地嘅反應係:『洗唔洗呀? 照左就有架啦咩? 係你太緊張je!』我覺得......side氣~ 最慘就係連老公都話覺得未有需要去照囉~ 我都係擔心je, 照左心安理得, 但佢都係唔贊成! 就連自己老公都唔支持我, 我撐呢一年撐得好辛苦~~~


別墅

積分: 721


發表於 06-5-15 17:01 |顯示全部帖子

Re: 十分對唔住, 但都要一講~~

李吳:
我同你有相同的感覺,但我諗你的感受會比我深..... 因為我好早已經頂唔順..... 所以好長一段時間無上Bk同chatroom..... 依家上來都係睇下有無熟的人post message, 睇下大家近況,好似係見下班老朋友咁。


大宅

積分: 2442

2019勳章


發表於 06-5-15 17:06 |顯示全部帖子

Re: 十分對唔住, 但都要一講~~

我都好有同感, 覺得好辛苦! 呢2年身邊d朋友同事親戚個個都大肚, 成日講生仔經, 為左咁, 我疏遠左佢地, 冇哂朋友. ..亦因為自卑, 常擔心冇仔生婚姻不保, 攪到疑神疑鬼, 婚後幾個月已不開心 :-(

唉.....做人難...


大宅

積分: 1839


發表於 06-5-16 16:42 |顯示全部帖子

Re: 十分對唔住, 但都要一講~~


首頁
1

尾頁

跳至