吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 小心呃飯食的陪月

懷孕前後今日: 1|主題: 330486

收藏本版

發帖

返回列表

跳至頁

查看: 5970 | 回覆: 35

小心呃飯食的陪月 [複製鏈接]

vcb612

複式洋房

積分: 144

1^#

發表於 13-6-7 16:10 |只看該作者 |倒序瀏覽 |打印

(雖然長篇大論, 但希望大家比d耐性睇, 要小心呢個呃飯食兼收左錢就走左佬的陪月!)

大家請陪月都係想有個人知道你生完之後要點補同埋食乜, 兼可以幫手湊下B, 點知我請著呢個淨係識講唔識做, 請佢時就吹到天花龍鳳, 吹到自己幾勁又識好多野, 又話佢會煮咩煲咩比我補身, 但點知全部得個”講”字, 佢煮的兩餐除左hea買D極度唔新鮮同求其買D平嘅餸比我 (有渣的菜, 極度唔新鮮的魚, 咬唔到的肉, 就連腸仔面同罐頭湯通粉都夠膽死整比我食) 之外, 叫佢煮個早餐要”跪求”佢咁滞,諗住買個面包比我當係, 我話我下午4,5點肚餓想食野, 佢就買多幾個面包比我就算, 一日”質”我食幾個面包, 喂, 我坐緊月架,求其比餐食飽我就算呀? …….你點做陪員呀~~~~總之我食嘅野仲差過我陀阿B果陣 (我喺醫院都食得豐富同有營養過佢), 我自己煮自己買都仲好過佢, 我都預左佢打斧頭, 但都算, 期間仲一d簡單的湯水都係要我追佢幾次至肯煲, 佢成日話我開刀乜都唔飲得, 我開刀, 佢話無咁快可以補, 呢個我明, 但我問過人, 有d湯水同簡單的燉野係可以的, 我咪叫佢跟住照執, 煲比我飲囉, 佢就話: “係啦, 呢d我都識, 我都打算煲比你飲!”
結果…...到最後當然一樣都無煮同煲啦!!!

呢個人"懶"到出汁, 每日準備嘅餸菜, 好似洗菜斬雞洗碗……..乜都比曬工人做, 佢自己就只係落鑊炒餸, 仲連阿b的衫都叫工人幫佢洗埋, 佢黎只係餵兩餐奶同幫阿b沖涼咁大把, 其他時間就坐係度講電話同玩電話, 叫佢教工人煮野同點幫阿B沖涼餵奶, 佢只係叫工人日日企埋一邊睇, 喂, 你唔講落咩調味, 餵奶沖涼有咩要留意, 工人(菲傭)點識呀, 請佢前已經同佢講左叫佢教工人, 佢又話自己得 (佢話自己喺澳洲返黎冇問題), 點知原來佢唔識英文, 搞到我日日要企喺佢隔離同佢做翻譯, 我坐月果個月根本無啖好食兼無抖過~~~天啊~

呢個陪月係朋友介紹, 聲稱只接朋友job做, 原來呢d係”呃飯食” 的技倆, 喺人地面前就吹到自己好叻好多野都識, 但”吹”吖嘛, 無一樣做到, 佢就係諗住我地會睇朋友份上, 為免朋友難做就算佢hea住做都唔會話佢, 我就係因為有呢個心態, 唔係晨早就炒左佢啦!

仲有樣最離譜嘅, 佢平時hea爆都不特止, 仲呃我話行規係滿月要出晒糧清晒d買餸錢比佢 (買餸錢已經每隔3日比一次佢), 咁我咪照比晒錢佢, 點知佢收左錢第二日就即唔見人, 佢仲有幾日至做夠一個月架, (因我係出院返左屋企至叫佢開工的, 到滿月都未做夠一個月, 之前佢遲到早退又有幾日唔黎我都無計), 但佢竟然電話又唔聽, whatsapp又唔覆, 完全失左蹤........唉, 佢幫我買嘅野我仲未收齊, 真係不知所謂!

呢個人真係陪月的人渣,無料扮有料, 佢嘅吹水功一流, 我就係咁比佢呃左, 呢個人叫Vicki Mak, 有兩頭住家 (大埔同西貢), 肥婆來的, 3x歲, 大家真係要小心!! 唔好比佢嘅”吹水功”呃到!

1 0 0

私人傳訊

芯悠

大宅

積分: 1391

2^#

發表於 13-6-7 16:54 |只看該作者

私人傳訊

看寶包

複式洋房

積分: 396

3^#

發表於 13-6-7 17:07 |只看該作者

引用：(!)+!”+!!!+天啊~++!+真係不知所謂!+!+

原帖由 vcb612 於 13-06-07 發表
(雖然長篇大論, 但希望大家比d耐性睇, 要小心呢個呃飯食兼收左錢就走左佬的陪月!)

大家請陪月都係想有個 ...

？看不到

私人傳訊

Shellley

男爵府

積分: 7772

4^#

發表於 13-6-7 17:28 |只看該作者

而家啲陪月質素太參差，請得好唔好純粹睇僱主好唔好彩數。

私人傳訊

penguin8

禁止訪問

積分: 10698

5^#

發表於 13-6-7 17:37 |只看該作者

提示: 作者被禁止或刪除內容自動屏蔽

私人傳訊

candy_benny

大宅

積分: 3465

6^#

發表於 13-6-7 17:47 |只看該作者

回覆：小心呃飯食的陪月

睇唔到內容

私人傳訊

tracy499

大宅

積分: 2251

7^#

發表於 13-6-7 17:53 |只看該作者

回覆：小心呃飯食的陪月

睇唔到既

私人傳訊

ctsang1006

子爵府

積分: 11243

8^#

發表於 13-6-7 18:39 |只看該作者

點解你朋友會介紹比你嫁.?佢覺得咁都無問題咩？

私人傳訊

aw07044780

男爵府

積分: 8158

9^#

發表於 13-6-7 18:47 |只看該作者

回覆：vcb612 的帖子

你個陪月同我陪月一樣，完全hea 做，打斧頭不特止，煮d野食，難食之餘，d肉係＂梅＂的，每日來到煲電話粥和看電視，我坐月後，身體仲差過以前，呢d陪月簡直害人不淺！

私人傳訊

Yolandaaa

大宅

積分: 1074

10^#

發表於 13-6-7 18:51 |只看該作者

回覆：小心呃飯食的陪月

個陣我個陪月係阿媽個朋友介紹，做得差一樣冇情講要佢走

私人傳訊

HeyCin

大宅

積分: 2231

11^#

發表於 13-6-7 18:57 |只看該作者

咁都得, 俾錢請佢返嚟都係想有個人係產後照顧吓自己, 生完已經好赲,想休息,
佢乜都唔做, 咁衰, 良心過意得去嗎?

私人傳訊

vcb612

複式洋房

積分: 144

12^#

發表於 13-6-8 12:05 |只看該作者

佢d衰野真係數都數唔晒, 我後來至知道佢原來同一時間食兩家茶禮, 早走同買多其他餸原來去做另一單, 仲要呃我話要趕返屋企煮飯, 又話幫佢阿媽買野......總之多多藉口!! 仲試過全日唔見人, 問佢又搵藉口話黎唔到, 根本去左做另一單, 不負責任!
d人無野做就要咁呃飯食, 真係賤格! 其實我都聽到有好多好好好有責任的陪月, 你地的陪月會整咩同煲咩比你地食架? 應該唔會好似我咁食腸仔面卦?