少年成長

跳至

首頁
12

尾頁
   1


伯爵府

積分: 15505


發表於 13-6-27 16:20 |顯示全部帖子
阿囡7歲幾, 小二, 經常無做功課, 又或講大話話做左/無功課, 但係佢係超好記性同聰明, 只是功課上我真係十級頭痕....

老師, 校工都有跟進, 好一陣又再衰番, 屋企又獎罰都試過, 個囡經常想到就做, 想到就玩, 所以我回家才做功課.

老公話一於唔好同佢對功課, 由得佢唔交俾老師罰, 總之阿囡話功課做晒無野要問就由得佢, 我只要顧好自己同個囡做課外補充, 以免課程跟不上.

4個月以來, 因為欠功課記了兩次缺點, 只差多欠一次就會記小過, 阿囡有向我講好怕記到小過, 好怕被踢出校無書讀.....但係一回家就玩乜都唔記得晒.....

學校社工都有同我傾, 話事態嚴重, D"缺點"會跟名囡一世......

老公就話佢讀咁多年書, 欠功課真係好小好小事, 就由個囡學下要為自己行為負責任, 唔好下下REMIND個囡.....


我係BUY老公果個MINDCEPT既, 但學校又俾壓力我, 真係難做.

阿囡唔係唔喜歡學習, 只係唔LIKE做功課, 我俾佢既練習佢好樂意做的, 只是, 我覺得佢總係想有人陪至去做, 真係頭痕.


男爵府

積分: 6383

畀面勳章


發表於 13-6-27 16:48 |顯示全部帖子
係咪唔夠惡?冇得比佢玩左先做, 一定要做哂先, 點都要對下佢做哂未既...唔好比佢覺得欠交係應份既


大宅

積分: 1891


發表於 13-6-27 17:09 |顯示全部帖子
回覆 mylulu007 的帖子

讓你老公同學校講佢個套...


子爵府

積分: 13286

2019新春慶豚圓 大廚勳章 畀面勳章 BK Milk勳章


發表於 13-6-27 17:52 |顯示全部帖子

引用:阿囡7歲幾,+小二,+經常無做功課,+又或講大

原帖由 mylulu007 於 13-06-27 發表
阿囡7歲幾, 小二, 經常無做功課, 又或講大話話做左/無功課, 但係佢係超好記性同聰明, 只是功課上我真係十級 ...
聰明這家嘢, 睇吓運用在邊瓣?!



珍珠宮

積分: 49720

2019新春慶豚圓


發表於 13-6-27 18:57 |顯示全部帖子

回覆:Check 功課, 定唔Check功課

做齊功課才有飯食!


伯爵府

積分: 16230


發表於 13-6-27 19:58 |顯示全部帖子

回覆:Check 功課, 定唔Check功課

如果會怕欠交被罰而做功課,咁你個女都欠左咁多次,要怕都怕左,咁即係無改善???小朋友細,未能自律,家長要check有冇做,我覺得要。 而家阿女已經講大話?你再放手會唔會更差??如果父母都遲返,先試補習社啦!


大宅

積分: 1335


發表於 13-6-27 22:46 |顯示全部帖子

回覆:Check 功課, 定唔Check功課

如妳講她要妳部她先做,點解妳可以部她做補充,旦工課就她自己完全其實妳或可以要她每日完成工課放在卓上等她知道妳會檢查,她自然會做如果沒做妳可立刻要她做.


大宅

積分: 4695


發表於 13-6-27 23:20 |顯示全部帖子
IMHO.

P2 is ok. First, a school cannot expel a child out just because she does not submit her homework. Secondly, normally secondary school concerns the academic result starting P4. Therefore, it is not unreasonable to try what your hubby says.

My feeling is that the social worker is just another voice speaking what the school wanted! Because their employment is very much depends on the school comment.


複式洋房

積分: 263


發表於 13-6-27 23:39 |顯示全部帖子
小朋友應該鍾意父母關心,會唔會佢想用唔交功課,等你關心佢呀。小朋友比較敏感,會唔會佢feel到父母都覺得功課無聊、學校為無交功課記缺點太過份?小朋友就會一樣唔重視


大宅

積分: 4160

好媽媽勳章 醒目開學勳章


發表於 13-6-28 12:43 |顯示全部帖子
mylulu007 發表於 13-6-27 16:20
阿囡7歲幾, 小二, 經常無做功課, 又或講大話話做左/無功課, 但係佢係超好記性同聰明, 只是功課上我真係十級 ...

唔明, 不是做了學校功課, 有時間才做額外補充?
肯做補充但唔肯做功課?
你的意思是你陪著她做補充, 她才肯做?

不如好好跟囡囡傾下, 定一個合適的時間表, 讓她分配好時間做功課
或放學後去補習社, 讓她專心做好功課才回家

另外, 要正視講大話這個問題! 我覺得這問題大於做功課的問題


大宅

積分: 1875


發表於 13-6-28 14:02 |顯示全部帖子
係咪細個時,你日日都陪佢做功課,對功課,執書包呀?

你自己已經覺得係你既責任
佢更加覺得呢d係你既責任囉


大宅

積分: 1875


發表於 13-6-28 14:06 |顯示全部帖子
用左咁多呢d方法,都唔得...不如轉下方法啦

搵個星期五,提都唔提d功課.....
六,日同佢講...去邊度玩,好似無晒時間可做功課咁
佢可能會反問你"d功課點呀?"
你就話...呢個係你既功課,你自己決定啦....
忍...忍...忍...唔好理佢

呢d小朋友....做功課,見你咁奇怪既attitude,就會扮唔識問你點做
你就答佢:"我無返學,唔知;你有上堂,你先會知"
如佢答你真係唔識.你話教你啦.....用鉛筆係本功課上幫佢寫:"我唔識!"
咁就唔好理佢啦


伯爵府

積分: 15505


發表於 13-6-28 18:07 |顯示全部帖子
多謝各位回應.

我認, 阿囡幼稚園時D功課都係甩甩漏漏, 老師的訊息我多數後知後覺, 阿囡俾老師投訴上堂唔留心. 功課更加係求其做, 無留心聽自己估估下, 所以我放工回家都會留時間同佢對功課, 佢次次要重做咁滯.

久而久之, 佢直頭唔落筆住我我回家才做, 怕做了又要改, 我講道理/獎勵都沒效.
佢間幼稚園已經係淺, 所以上小一就初時好難適應, 我同佢都係嘔血咁滯, 佢仲日日要等我放工回家三吹四請才做功課, 執書包, 寫手册 (好多時都久寫手册, 久功課, 漏了書本在學校). 學校有課後功輔班, 導師都有投訴佢功輔唔係攪人就自己玩手指文具踢檯,又或扒底瞓覺. 小一佢都好鐘意講大話, 我地兩公婆都唔係惡人, 唔明佢點解係又講唔係又講, 我同佢講好多道理都只係短時期WORK.

小二, 我覺得咁落佢唔係辦法, 所以上學期攪掂手冊問題, 一定要佢寫齊, 但仍經常無寫OR漏寫. 下學期, 我教佢對功課, 放手俾佢自己做, 初時都OK, 之後開始講大話未做話做左, 有4樣就話得2樣, 完全無悔意.

我要返工, 7點幾至返到屋企, 我未番, 就算打電話俾個囡佢都會好快答我做左功課, 結果係無做.

我仲有個細囝5歲, 佢唔駛我叫都自己做晒功課, 我無拎佢地比較, 只係個囡成日攞弟弟過橋話弟弟阻住佢做唔到功課, 以前我仲會叫弟弟咪SO擾家姐, 原來我一直俾個囡昆.

試過唔做晒唔俾食飯, 個囡就日日死死地氣做, 不過佢放學會偷我廚房櫃D餅來食 (趁工人同弟弟沖涼時).
試過唔帶佢去街, 佢有哭又叫但下次又係一樣.
我仲可以點教佢呢?


伯爵府

積分: 15505


發表於 13-6-28 18:16 |顯示全部帖子
我地個個星期都好多街去架 (老公鐘意影相), 所以佢做唔晒功課一定唔可以去街的.

弟弟會好驚無街去, 阿囡就發現我地真係唔同佢出街至發DIN.


大宅

積分: 3552


發表於 13-6-29 19:30 |顯示全部帖子

回覆:Check 功課, 定唔Check功課?

千祈唔好用你c6個方法,老師能做的有限,太快今小朋友知道老師無料到,以後兇佢都唔驚。而且不要將後果留到明天,小朋友唔識為明天放棄現在玩樂,要給他即時的教訓。所以問題關鍵在於你唔一早check清楚佢有咩功課,等佢無得走雞,如果佢故意隱瞞,即時給他更嚴重的懲罰,總之今天的事不能明天做。




大宅

積分: 1585


發表於 13-6-29 22:33 |顯示全部帖子
小一小二都係細, 父母協助完成功課係必須做的責任, 只有少數孩子有自制力唔使家長理,
你的女兒好明顯未得, 學校已發出清晰警告, 你兩公婆不宜'視若無睹'! 假如自已不行, 就找一間'嚴厲的
補習社吧! 不是買怕學校, 而是縱容孩子欠交違規適當嗎? 女兒的在校的形象也會受損, 不會受同學及老師歡迎, 往後如何應付高班更繁重的功課? 後果也會更嚴重!
你老公的理論不適用於年幼的孩子,尤其是你女兒, 竟然見老師,社工, 記小過的地步....也該清醒吧! 這是不負責父母的表現! 有時間去街,做補充, 卻在校欠交累累, 哪是什麼道理!!
放手不是放任, 待孩子四,五年級或觀察她已逐步暸解何為'責任'及有能力/定力'負責'才可放手!


複式洋房

積分: 391


發表於 13-6-29 22:40 |顯示全部帖子

回覆:qoo_pooh 的帖子

你地唔知有方法補救.


子爵府

積分: 11573

2019新春慶豚圓 畀面勳章 育兒性格勳章


發表於 13-6-30 08:00 |顯示全部帖子
mylulu007 發表於 13-6-27 16:20
阿囡7歲幾, 小二, 經常無做功課, 又或講大話話做左/無功課, 但係佢係超好記性同聰明, 只是功課上我真係十級 ...
"""阿囡唔係唔喜歡學習, 只係唔LIKE做功課, 我俾佢既練習佢好樂意做的, 只是, 我覺得佢總係想有人陪至去做"""



你自己都講左原因同改善方法...我唔明你點解要頭痕??


珍珠宮

積分: 32599


發表於 13-6-30 23:45 |顯示全部帖子
本帖最後由 SandraLo 於 13-6-30 23:49 編輯
mylulu007 發表於 13-6-28 18:07
多謝各位回應.

我認, 阿囡幼稚園時D功課都係甩甩漏漏, 老師的訊息我多數後知後覺, 阿囡俾老師投訴上堂唔留 ...

lulu :
基本上我係同意你C6嘅睇法:俾阿女知功課係自己責任, 要自己負責同承担番後果. 但係呢樣嘢係要學校配合先做到, 老師都要去試吓唔同罸則, 例如冇得放小息做番, 睇吓 work 唔 work, 唔 work 再拆, 而唔係一味記過, 當然呢d 嘢令老師工作量增加, 未必個個老師肯諗点去幫小朋友.

缺乏學校配合, 囡囡嘅自我控制能力又未如理想, 咁你老公嘅做法, 係唔會達到原先預期嘅效果, 即係佢唔會學到要負責任, 你就必須要出手幫佢, 而幫唔代表要陪佢做功課!我亦同意以上媽咪所講, 囡囡講大話嘅問題比功課更嚴重, 要即時處理!

雖然你認同你C6做法, 但你同囡囡做補充練習, 事實係令囡囡毋須承受「唔做功課引致成績會差咗」嘅後果, 亦令佢以為學校功課係次要, 媽咪先唔理!而媽咪唔理又唔好玩又冇人陪做嘅功課, 當然唔做啦!

好啦, 知道問題所在, 就要去拆解, 其實方法還是那幾樣 :獎、罸、讚.....................
你話之前用過獎同罸, 但似乎唔多 work, 其實獎罸都有唔少學問, 獎唔夠吸引, 罸唔夠「入肉」, 都係冇用.
唔俾佢食飯唔係辦法, 因有日佢唔 care 食飯你重驚!你話「試過唔帶佢去街, 佢有哭又叫但下次又係一樣.」意思係照唔交功課?然後你見佢冇再哭叫你就唔再罸?

查實你C6嘅意思係訓練佢自己獨立做好功課, 但你必須 check 佢有冇做, 先知佢有冇講大話, 而針對講大話呢樣嘢, 你試吓:先同佢坐低傾, 講佢知你要求 (唔可以講大話), 如果發現講大話, 會被罸一次Sunday冇得去街, 相反如冇講大話又在你放工前已做好功課, 就要即獎 (佢鍾意乜?) 如若佢照實話未做好功課, 由得佢, 但你放工返去, 叫佢做番, 做咗之後但你都要口頭讚佢乖, 做好功課, 亦可以做個獎勵制表, 每次有做功課 (我指夜晚先做) 都獎一個貼紙, 一星期都有貼紙就可以有額外獎品.

呢個 plan 主要目的係 tune番佢唔好講大話先, 其次先係做功課, 為免佢憎咗做功課 (唔做會俾阿媽鬧同罸), 暫時要求只係完成功課就已經有獎, 因依家只係你未放工佢唔做功課就玩咗先, 夜晚先做番, 同佢做咗, 你放工佢先玩嘅分別, 希望佢慢慢唔好咁易俾「要玩先」吸引咗, 下一步, 先係 train 佢响你放工前做好功課!

教仔心得:媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為,到底點解同點讚?   
http://forum.baby-kingdom.com//v ... page%3D1&page=1


伯爵府

積分: 15505


發表於 13-7-4 14:46 |顯示全部帖子
多謝大家善意的回應, 得您們提議的確獲益良多.

我明白該怎麼做了, 女兒也回應立心改過, 新學期將至, 期望能她有進步.

再次多謝大家:loveliness:


首頁
12

尾頁

跳至